تاجر من طولكرم ينفجر بوجه السلطة وفتح: احنا تحت احتلالين

نكأ مقطع فيديو متداول لتاجر من طولكرم شمالي الضفة الغربية المحتلة أهالي المدينة المكلومة التي قال عنها إنها “تحت احتلالين” مع تعرضها لعدوان إسرائيلي منذ 3 أشهر، ولامبالاة تبديها السلطة الفلسطينية ومؤسساتها تجاه سكانها.

وصرخ المواطن خلال اجتماع للغرفة التجارية مع تجار المدينة بحرقة: “مشكلة طولكرم واضحة والكل ببعد عنها، البلد هاد يتيمة. فش فيها كبير ولا عمرها ما راح يصير فيها كبير”.

وأشارت إلى أن محافظة جنين عادت إلى نشاطها المعتاد رغم عدوان الإسرائيلي كون اللجنة المركزية من حركة فتح وقادة الأجهزة الأمنية وبعض المستوى السياسي من جنين”.

وذكر أن رئيس السلطة الفلسطينية محمود عباس ما دخل طولكرم منذ عام 2005.. المبرر إنه ختيار وما بقدر ييجي، ماشي، بس اليوم عنده نائب كان مسؤول هيئة الشؤون المدنية وهو اللي كان يتواصل مع اليهود”.

وتساءل التاجر: “إذا مش قادرين يفتحوا طولكرم يحكولنا، اللجنة المركزية لحركة فتح مش شايفة طولكرم، برتقي عندنا شهداء وما حد من المسؤولين بحضر، رغم إنهم بحضروا في بعض المحافظات”.

وأوضح أن المستوى السياسي للسلطة كله من عباس وانزل اجتمعوا وبثانيتين اختاروا نائب رئيس، طب طولكرم حدا جاب سيرتها من القيادة؟”.

وانفجر غاضباً: “باتت طولكرم حديقة حيوانات، سكروا علينا من كل اتجاه، مش ضايل إلنا اشي في هالبلد، إذا بدهم يهجرونا بهيك إجراءات فشروا مش راح نطلع”.

وأوضح أن “المستوى السياسي والرسمي ما بده طولكرم، مجلس وزراء ما اجتمع في طولكرم، (..) بعض الوزراء اللي أجوا من طريق بلعا مش قادرين يدخلوا طولكرم بسبب اليهود، وعملنا شارع نور شمس اليهود ضحكوا علينا وأخذوه للدوريات”.

وختم: “الكل بعرف قبل سنوات صارت مشكلة مع رئيس وزراء سابق، نزلت كل الأجهزة الأمنية ومسؤوليها، لكن هلوقت مش شايفين حدا، التجار تدمروا والمحالات ما بتفتح، طولكرم انتهت”.