علي شريم يهاجم قيادات فتح: مثل تليفون النوكيا منغلقون على مبادئ صدئة
هاجم الفتحاوي علي شريم قيادات حركة فتح، واصفًا إياهم بأنهم “مثل تليفون النوكيا، منغلقون على مبادئ صدئة لا تخدم إلا بقائهم في مراكزهم”، منتقدًا سياساتهم تجاه الشباب والمواطنين، ومؤكدًا أن التجربة العملية والخدمة الحقيقية للمجتمع أهم من المناصب والرتب الرسمية.
وقال علي شريم في منشور على صفحته “فيسبوك”:”يعني أنا بدي أسألك كمسؤول: عملت مجلس؟ عملت مؤتمر؟ عملت بيانات وتصريحات؟ طيب بنيت مخيم في غزة؟ وودّيت مي للناس العطشانة وأكل للناس الجوعانة؟ قدّمت شادر للناس البردانة؟ فهمني شو بتشتغل؟ وليش أنا كشاب من غزة ممكن أدعمك أو أتعاطى مع تصريحاتك وأوامرك؟ فهمني شو المادة اللي بتشرعن قيادتك وتمثيلك إلي، في حين كل حكورة صارت عندك بيارة والد؟ ليش الرتب والمناصب والتعيينات إلك، وإنت ما ساعدتني ولا ساعدت غيري؟ حتى كلمة طبطبة ما شفناها، بالعكس… همّك صورتك، نجاحك الانتخابي، وبقائك داخل حكورتك.”
وأضاف:”وليش الفاسدين اللي بينكشفوا دايمًا من غزة؟ لهدرجة غزة مرتع للفساد! وليش قيادات غزة ما إلها صوت؟ وليش إنت يا سيد عزام من جنين بتحكي باسمي وبتقرر في مصيري؟ وليش إنت يا سيد جبريل وسيد عباس من الخليل بتحكوا عني؟ بتعرفوا شو أنا بدي؟ ليش مش أبو ماهر حلس، وروحي فتوح، وصبري صيدم وغيرهم هم اللي يحكوا عن مستقبل العلاقة مع حماس؟”
وتابع علي شريم:”كل العالم بيتغير وبيتطور، إلا قيادات حركة فتح مثل تلفون النوكيا، منغلقين على مبادئ صدئة لا تخدم الا بقائهم في مراكزهم. حافظوا على ديمومة الحركة بالشباب وافكار الشباب وافسحوا المجال لهم قبل أن يطردوكم. واتمنى من اي قيادي تزعجه كلماتي، ان لا يرسل طلبًا لعنواني حتى لا يزيد التصعيد، وايضًا كي لا يصبح مادة اعلامية.”
وأوضح “حاوروا شباب الحركة في غزة واستمعوا لأرائهم فهم المستقبل”، مضيفاً “التطاول على قيادات عليا؟ ليش؟ شو علاك؟ أنا أعلى منك بالفعل… بالفعل الملموس، مش بالرتبة، انت شو علاك غير ترهّل النظام السياسي الفلسطيني وأمراضه المزمنة؟ اقعد عاقل.”
